少爺仔 Richard - 生活日誌

少爺仔週記 2018 年 5 月第 4 個星期 -  少爺仔 慶祝母親節 母親節，又係我少爺仔對媽媽表示愛意的好日子，因為上一次媽媽生日我表現仲有改進的空間，所以今次我決定去商場買禮物給媽媽。 星期五晚時，我問媽媽。 少爺仔說 : 媽媽 ， 很快就到母親節了，我們明天去商場買份禮物，好嗎？ 媽媽說 : 好的，少爺仔真係好乖。 星期六一早起身，下午三時出發去商場，當然係由福伯開我哋屋企架勞斯萊斯去啦，一去到商場，我當然要第一時間跑去睇吓我啲心水物品，玩具，遊戲機，漫畫書，到最後，我選購左最新款的 switch 遊戲機，買齊所有的遊戲，最新鐵甲萬能俠超合金，之後福伯就車我和媽媽回家了。 到了晚上，我把我深愛的 switch 遊戲機送給媽媽，媽媽拆開後很開心，之後把遊戲機交給我，我就去打有機了，媽媽拜拜你條尾！ 今天真的很開心，去了商場買了禮物給媽媽，媽媽收到後很開心，還讚我是乖仔 少爺仔 RICHard 上

少爺仔週記 2018 年 5 月第 3 個星期 - 同媽媽去 shopping 同媽媽去日本，當然要去媽媽最喜歡的 shopping 活動，一早和媽媽坐爸爸預先安排的勞斯萊斯出發去到商場，早上飲咗牛奶嘅關係，一入到商場就開始肚仔痛了，媽媽看到我的面色不太好就問我。 媽媽說 : 少爺仔，你做乜成個屎樣，係唔係唔舒服？ ( 注 : 媽媽話我每次急屎都有個屎樣。 ) 少爺仔說 : 我好肚痛，好肚痛，好肚痛，好肚痛 ...... 總之我就好肚痛。 媽媽說 : 咁你去唔去洗手間？ 少爺仔說 : 我去！ 媽媽說 : 那麼媽媽帶你去商場洗手間吧。 少爺仔說 : 商場洗手間好污糟，我要返去酒店總統套房嗰個洗手間。 媽媽說 : 那麼好吧我們會去酒店吧。 之後我和媽媽坐勞斯萊斯回酒店了，之後就去完洗手間大便便，我就沒有屎樣了。媽媽看到我沒有屎樣，後都好開心，攬住我錫錫。 今天真的很開心，和媽媽去了 shopping ，之後錫我，又讚我乖乖豬 。 少爺仔 RICHard 上

少爺仔週記 2018 年 5 月第 2 個星期 -   少爺仔 坐飛機 好開心又到左每年一次嘅復活節假期，媽媽話上星期我們去看巴士時我好乖，所以今次帶我去旅行，有得坐飛機。 媽媽帶我坐頭等機位的，上飛機的時候看到後面一些很細的座位。 我就問媽媽 : 為什麼這麼細的座位是不是犯人坐的？ 我再說 : 點解我地要同犯人一齊坐飛機？ 我又再說 : 是不是他們不乖呢？ 媽媽說 : 這些位是經濟客位，窮人冇錢的人買飛頭等機票，所以要坐經濟客位。 原來如此，我就覺得窮人真係好可憐，坐飛機都好似坐監咁樣，希望佢哋以後好似我咁乖，可以坐頭等啦，因為我每次乖嘅時候媽媽都比我坐頭等機位的，坐頭等機位真好，可以飲鮮榨橙汁。 好開心同媽媽去了旅行，坐頭等機位真係心情愉快。 少爺仔 RICHard 上

少爺仔週記 2018 年 5 月第 1 個星期 -  少爺仔 媽媽生日 四月是媽媽生日。 福伯說 : 媽媽今天生日，不如你是買禮物給媽媽，好不好？ 我回答說 : 不好，爸爸會買的。我繼續忙玩中。 福伯又說 : 不如你自己做個生日卡給媽媽，好不好？ 我回答 : 不好，爸爸會買生日卡的了。 福伯又再說 : 不如食晚食完食，你幫手拿個生日蛋糕及唱生日歌給媽媽，好不好？ 我再回答 : 不好，福伯你拿？這是你的工作。 到了晚上，福伯關了燈，一路唱著生日歌，一路拿出蛋糕給媽媽，而爸爸就送上生日卡和 10 卡鑽石戒子送給媽媽，當所有禮物和蛋糕在媽媽面前，我就同媽媽說，生日快樂，媽媽好開心，媽媽說我係乖孩子。 今天好開心，和媽媽開生日會，還讚我乖。 少爺仔 RICHard 上