少爺仔 Richard - 生活日誌

少爺仔週記 2018年8月第4個星期 - 少爺仔媽媽買華仔演唱會飛 吾通個個睇華仔演唱會，個個都想睇華仔演唱會咩！ 少爺仔媽媽係華仔超級粉絲，我媽媽當初同爸爸結婚的原因當然係爸爸有錢，又事業有成，最重要係爸爸好似華仔。 當我媽媽知道有華仔演唱會後，媽媽就以第一粉絲的身分去支持華仔，原本想叫馬上安排福佰去排隊買飛，怎知道看到新聞後，有一中年在排華仔演唱會的門票時突遭2名本地男子用刀襲擊，媽媽怕福伯受傷後要請病假，無人照顧我們一家，我媽媽就取消了這提議了。 之後媽媽要求爸爸安排看華仔演唱會事宜，爸爸有面有錢，當然無問題，爸全安排了在華仔演唱會演出前一天，只安排我們一家包場看華仔的全演唱會採排。 媽媽一聽到可以包場睇華仔，就大叫出來，勁開心的，同我講！ 媽媽說：少爺仔，你要乖乖的，你大個都要學爸爸同華仔做人，又靚仔，又有錢，又愛錫媽媽！ 我今日都好開心，因為媽好開心，所以我都好開心。 少爺仔Richard上

這個星期打風了，星期一都係一號風球。 早上醒來，看電視後，星期二打3號風球，我開心的大叫，今天不用上學了，yeah 媽媽說: 少爺仔你現在是暑假當中，你不用上學的。 少爺仔說: 吓！哦！係！ 少爺仔再說:不如我們去海邊睇打風，好嗎？ 媽媽說:睇打風？好危險的！會有生命危險的！ 我說: 我要去！我要去！我要去！我一定要去！條命是我的，我一要去！ 媽媽說: 好的，媽媽同你去！ 之後媽媽開白色賓利四驅車去海灘了，到了海邊，打風真係好大風，還有下大雨，我就跑去海邊大叫！I am king of the world！ 媽媽就叫我要小心一點，你要乖乖的。 回家的時候，可能比雨淋濕了身體，有一點感冒了， 媽媽就帶我看醫生回家食藥瞓覺。 今天真的很開心，可以看到打風，但係好刺激。 少爺仔Richard上

媽媽話今個星期要去澳門食晚飯同出席一個宴會，所以今個星期少爺仔去咗澳門。 星期五當我下課後，媽媽開着始最新的白色賓利四驅車接我放學， 回家換好衫之後就去碼頭， 同媽媽說。 少爺仔說: 媽媽為什麼這裏有那麼多人，感覺很恐怖呢，我感覺好像快要死掉。 我再說: 媽媽你是不是不喜歡我，你想謀殺你的兒子嗎？ 我再再說: 原來去這裏地方，早知我就不過來了，不行了！我感覺不能呼吸，可不可以不去澳門呢？ 媽媽說: 少爺仔不用怕，我們不會坐人多，又細，又慢，又污糟的航去澳門，我們要坐直升機去，15分鐘就到澳門了，放心！少爺仔你乖乖豬！ 少爺仔話:你咁講我就放心了。 我在和媽媽和爸爸好開心的去澳門參加宴會，說爸爸在澳門賭錢是贏了一千萬，可以買新跑車了。 今天真的很開心， 直升機去澳門，又比媽媽讚我乖，爸爸又贏錢，真是一個快樂的週末啊。 少爺仔 Richard 上

少爺仔週記 2018年8月第1個星期 - 少爺仔去食茶餐廳 之前同學仔同我講，話香港有啲餐廳好多嘢食，又有大雞髀，有紅豆冰，仲有一種叫做蛋撻嘅嘢但係又話係甜品，講到我半信半疑，仲有一種食物叫做雞屙屎，話係好好味聽講到我都流晒口水，今個星期我我要求媽媽帶我去這餐廳。 我就同媽媽講:我想去嗰間餐廳，有蛋撻同雞髀食嘅餐廳。 媽媽說:係咪平民嘅餐廳？呢啲地方好污糟你唔習慣嘅。 我說:我同學仔話呢度啲嘢好好食，仲有雞屙屎食。 媽媽說:雞屙屎？有乜好食？ 我再說:我同學話係一個炸左的麵包，中間仲有啲花生醬，食嘅時候落牛油炒勻，之後再落蜜糖，在切到細細件咁食。 媽媽說:呢個食物唔係叫雞屙屎，係叫做法蘭西多士。 我說:原來係西多士，我要去食我要去食。 媽媽說:好的，我們星期六去食吧！ 星期六，媽媽駕駛開縫黑色法拉利跑車，車我到中環的蘭桂坊吃茶餐廳，當日我們食了很多東西，魚蛋粉，西多士，炸雞比，紅豆冰， 還有蛋撻，真的很滿足哦。 媽媽說我食了很多東西，好乖乖豬！我就很開心，媽媽還讚我。 少爺仔的Richard