少爺仔 Richard - 生活日誌

少爺仔週記 2018 年 6 月第 4 個星期 - 少爺仔的俄羅斯世界杯 我習慣了每一天晚上都好早睡覺，大概 11 時就上床，因為我需要每位每一個明天準備充足的精神，為世界進步而努力。 但最近我就面對左一件事情令到我好困擾，就是每晚爸爸都對住電視不停大叫，使我無法入睡，終於去到第四天，我真係要起床看過究竟，但你知道我屋企有幾大，有我的房間去到電視機位置都需要行 15 分鐘，中間有冇開燈，感覺很可怕，一步一步，一步一步慢慢行，首先我看到福伯的身影，之後再看到媽媽，最後見到爸爸三個一齊大叫，射，射，射！少爺仔說：媽媽你們為什麼不停要大叫射，射，射？ 少爺仔好驚驚。 媽媽說：這一個月打俄羅斯世界盃，所以我和爸爸和福伯都只是在看世界盃足球節目，有什麼可怕的事情，少爺仔你乖乖，回去瞓覺啦。 之後聽完媽媽說，我個心都定一定，之後才能再一起看世界盃，我都不停的講，射，射，射！其實我不知道射什麼， 這個星期好開心，我和爸爸媽媽一齊睇世界盃，媽媽們又讚我乖乖。 少爺仔 RICHard 上

少爺仔週記 2018 年 6 月第 3 個星期 - 少爺仔試食貓山王榴槤 爸爸最近經常到馬來西亞出差，之後回到家第一句說話就同我講。 爸爸說：少爺仔，爸爸買了一個貓山王的果園，你以後就大把貓山王榴槤食。 少爺仔說：爸爸做乜事要咁樣玩我？！！我都吾食榴槤！** 爸爸說：榴槤好有營養，現在先發育時期要食多啲。 少爺仔說：榴槤的氣味好難聞，一聞到就想嘔！ 爸爸說：你試過未？未試過就話難食，信唔信我打你？ 我聽到就馬上扮喊先，睇下媽媽福伯會吾會打救我。 媽媽和福伯一齊說：爸爸，少爺仔吾食你唔好逼佢啦。 爸爸說：吾得，一定要試過先，吾好食可以吾再食，但一定要試過，我賣貓山皇，如果啲客知道我個仔都無食過，佢地點會信係好食？ 少爺仔一邊哭就一邊食，當我第一口咬落去再吞下，靈光一閃，原來現在才知道什麼才是榴槤的味道了，原來咁好味，食得太遲。 之後我就成晚食了很多個貓山皇榴槤，爸爸和媽媽還讚我乖仔，真的太開心了，爸爸很久未讚我的。 少爺仔 RICHard 上

少爺仔週記 2018 年 6 月第 2 個星期 - 少爺仔感冒了 上個星期好熱，所以我就好喜歡在家遊玩中不著衣服，玩到多口渴時，會走去雪櫃的拿飲氣水飲，同時會享受上格冰箱的冷氣，感覺好涼快的，可能是這樣，這個星期我就病病了。 到了晚上，媽媽說：少爺仔，你感冒了，媽媽帶你看醫生了。 少爺仔：好的。 福伯就開黑色的勞斯萊斯車我們去看家庭醫生，但好景不常我們去開的私家醫生都沒有開門，那麼只好去公共的急症室。 去到就近的急症室後，媽媽幫我登記，之後見護士姐姐，量度體溫之類的，之後就叫我們等一下了，一等就 2 個小時才見到醫生，見完醫生後，又要等，我好攰了，我在媽媽身上睡覺，再等了 2 小時後，聽到叫我的名字，媽媽去拿藥和付款，開車回家都天光了。 回家後，媽媽等一時間叫我吃藥了，之後我就瞓了，幾小時後，我的感冒好了，我就叫醒媽媽一起玩遊戲了，媽媽見我病好了，都有讚我乖。 少爺仔 RICHard 上

少爺仔週記 2018 年 6 月第 1 個星期 -  少爺仔 睇電影 因為最近太忙了，又去旅行，又生日，又母親節，未能第一時間睇心愛的 復仇者聯盟 無限之戰 的電影，這個星期媽媽帶少爺仔去看電影了，心情好開心又期待。 到星期六出發看電影，媽媽帶我去中環 IFC 的電影院，買了 12 個位置，我們只坐中間的 2 個坐位，媽媽說我身高好標準， 是典型 日木人身高，怕前後有人坐影響我看電影，媽媽真細心。 電影出現 ironman 時，我好興奮的拍打媽媽。 少爺仔說 : 媽媽 ironman 出現了，好勁，好有型！ 媽媽話 : 係呀！ 少爺仔說 : 媽媽蜘蛛俠套新的 戰衣 好靚 ！ 好有型！ 媽媽話 : 係呀！媽媽剛食藥，好攰，瞓一下，你慢慢看，完場叫我。 原來媽媽病了，剛剛瞓覺了，我之後好乖，沒有再和媽媽說話，當然我看到驚嚇的時候，會大叫，媽媽都沒有嚇醒，媽媽真的好攰了。 今個星期好開心，媽媽帶我看電影，看電影時我無叫醒媽媽， 媽媽都讚我乖！ 少爺仔 RICHard 上

少爺仔週記 2018 年 5 月第 5 個星期 -  少爺仔的 生活日常 我寫週記都進入第二個月，好值得記錄一下，今週寫我每週六的行程吧。 早上 6:30 起床，之後就進入媽媽幫我安排豐富和充實的一天。 7:00-7:30 睇 3 份英文報紙，和 2 份中文報紙。 7:30-8:00 鋼琴大師朗朗到我家和我練習鋼琴。 8:30-9:00 和特朗普通電話，傾談下一周需要對付的國家。 9:30-9:45 去大便，以免又出屎樣。 9:45-10:30 打電話給巴菲特，下一周的股市情況，需要炒起邊隻股票。 11:00-1:00 打遊戲機。 1:00-2:30 和爸爸媽媽同馬雲吃午餐。 2:30-2:30 打棒球 3:00-4:30 畫國畫 4:30-5:30 核子反應堆反應堆的整做和使用方法。 5:30-6:00 研究量子力學 6:30-7:00 睇新聞電視 7:00-8:30 和爸爸媽媽以及馬化騰食晚餐。 8:30-11:00 寫少爺仔周記，每個星期最辛苦就係呢個時段。 當我寫完少爺仔周記就會交俾媽媽看，媽媽就會讚我乖仔。 交完就寄給媽媽我就瞓覺， 完成左完美的一天。 少爺仔 RICHard 上