少爺仔週記 2018年9月第5個星期 - 少爺仔的復仇
媽媽說: 少爺仔我同你講講多次,自己玩完嘅玩具要自己收返好,福伯唔係次次都幫你跟手尾的,做人要有返啲手尾。
少爺仔說: 我都未玩完,等我玩完先收拾好玩具。
過了一會之後!
媽媽又再說: 少爺仔,我見到你喺度打遊戲機,咁你點解唔收拾好你玩過嘅玩具先再去打機?
少爺仔回答: 我吩咐了福伯幫我收拾玩具了,所以我先打機,我有手尾,我乖!
媽媽說: 我現在要你自己學習收拾玩具,做個有責任心嘅小朋友。
我再回答: 我都話咗福伯會幫我收拾,你真係好麻煩呀媽媽,我好憎你!
之後我就收拾所有玩具後,嬲爆爆地回到自己的房間。
口𥚃說: 我要報復!我要報復!我要報復!
登!登!登.....登!登!登!
我慢慢行出房間,要去實行我的報復計劃。
我走到媽媽面前,暗暗地笑!hehehehe!
我大叫: 媽媽!
之後我就跑去媽媽面前,一個頂頭槌,頂到媽媽的心口,媽媽大叫好痛後,哈哈大笑!媽媽以為我和她玩。
媽媽說: 少爺仔這樣就乖乖豬囉,同媽媽玩,太好了!
我真的實在太好了,媽媽讚我乖乖!真的太開心了。
留言
張貼留言